La Nordorienta Universitato (angle Northeastern University, de kie NU, antaŭe NEU) estas privata universitato en Bostono, Masaĉuseco, fondita je 1898.
Ĝi estas R1 institucio (Doktoraj Universitatoj: Plej Alta Esplora Agado) per la Carnegie Klasifikado de Institucioj de Universitatoj. La universitato havas nediplomitajn kaj postdiplomitajn programojn ĉe la ĉefa universitatejo en la Fenway-Kenmore, Roxbury, South End, kaj Back Bay kvartaloj de Bostono. La universitato havas aliajn universitatejojn en Charlotte, Norda Karolino; Seatlo, Vaŝingtonio; kaj San Jose, Kalifornio, kiuj havas nur postdiplomitajn diplomojn. Alia universitatejo malfermiĝis en Toronto, Ontario, Kanado, je 2016.[1] La studentnombro de la universitato estas proksimume 18,000 nediplomitajn studentojn kaj 7,000 diplomitajn studentojn.
La Nordorienta Universitato prezentas kunlaboran edukprogramon, plej konata kiel "co-op", kiu integras klasĉambrostudon kun profesia sperto kaj enhavas pli ol 3,100 asocianoj en ĉiuj sep kontinentoj.[2] La programo estas ĉefparto de la instruplano per spertlernado de Nordorienta Universitato dum pli ol cent jaroj, kaj ĝi estas unu de la plej grandaj staĝprogramoj en la mondo. Kvankam studentoj ne devas partopreni en la "co-op" programo, ĝenerale la programo estas ĉefsperto por studentoj de Nordorienta Universitato kaj ĝi helpas diferencigi la universitaton disde aliaj universitatoj en la akademia mondo. Ankaŭ, Nordorienta Universitato nuntempe estas 1a je la listo "Plej Bonaj Universitatoj laŭ Staĝoj" de la Princeton Review kaj konsekvence estis en la plej altaj kvin universitatoj dum pli ol unu jardeko.[3] Krom la "co-op" programo, Nordorienta Universitato havas multampleksan eksterlandan studprogramon kiu enhavas pli ol 170 universitatojn.[4]
Nordorienta Universitato estas granda, gastigema universitato. La plejparto de studentoj elektas loĝi universitateje, sed studentoj en sia tria jaro kaj pli alta havas la elekton loĝi neuniversitateje. Pli ol 75% de studentoj de Nordorienta Universitato ricevas iom da financohelpon. Je la 2016–17 universitatjaro, la universitato donis $253.8 milionojn da donata kaj stipendia helpo.